Магчымыя шляхі аптымізацыі публікацыі выданняў, прысвечаных партызанскай барацьбе на Віцебшчыне 1941–1944 гг.

Abstract

Чым далей ад нас падзеі Другой сусветнай вайны, тым складаней успрымаюцца і асэнсоўваюцца іх рэаліі. Удзельнікі сыходзяць з жыцця, а значнасць падзей закрываюць новыя. Аднак для нашай краіны, якая страціла кожнага трэцяга жыхара, вынікі тых падзей яшчэ доўга будуць адбівацца на будучых пакаленнях. Забываць іх недаравальна, бо занадта дарагую цану заплаціў наш народ за Перамогу. Апісанне партызанскай барацьбы ў БССР і на Віцебшчыне ў прыватнасці ў гады Вялікай Айчыннай вайны знайшло адлюстраванне на старонках навуковага друку [1,4,7]. Аднак, у асноўным матрыял падаецца абагульнена. У 1960-я – 1980-я гг. дзейнасць асобных партызанскіх злучэнняў знайшла свай адлюстраванне ў мемуарнай літаратуры партызанскіх камандзіраў і ўдзельнікаў ваенных дзеянняў [2,5,8]. Досыць шмат публікацый маецца, напрыклад пра 1-ю Беларускую партызанскую брыгаду, якой камандаваў на Суражчыне М.П.Шмыроў – легендарны “Бацька Мінай”, было апублікавана досыць шмат успамінаў, мемуараў, напісаны кнігі.